ಅವ್ವಾ...
ಯಾರಂತ ನಾ ಮರತೇನಿ,
ಬರೀ ಅಕಿ ದನಿಯಾಗ
ಮತ್ತ ಮತ್ತ ನಾ ಸುಳದೇನಿ...
ಬಿಸಿ ಬಿಸಿ ಎಣ್ಣ್ಯಾಗ
ತಪ ತಪ ತಲಿಗೆ ತಂಪ ಬಡಿದು
ಎರದಾಳೋ ವಾತ್ಸಲ್ಯ ಮೈಮ್ಯಾಗ...
ಮಧ್ಯಾಹ್ನದ ದನಿ ಸುಳದದ
ಬಾರೋ ಉಣ್ಣಾಕ
ತೀರದ ಉಪಚಾರದ ಊಟಕ...
ಹಣ್ಣು ಸಿಪ್ಪೆಯ ಸುಲದೇನಿ
ಪ್ರತಿ ಹೋಳ ಮ್ಯಾಗ
ಇವತ್ತೂ ಅಕಿ ಬೆರಳ ನಾ ಕಂಡೇನಿ...
ಮ್ಯಾಗ ಹರಿದಾಡೋ
ಅವಳ ಕೈಬೆರಳ ನಿದ್ದಿ
ಮಮತೆ ಉಂಡ ಮೈಯೆಲ್ಲಾ ಮುದ್ದಿ...
ಮಲ್ಕೊಂಡು ಆಡೋ ಕನಸ್ನ್ಯಾಗ
ಇವತ್ತೂ ನಾ ಅವ್ವಾ ಅಂತೇನಿ
ಪ್ರತಿ ಸಲ ನಾ ಎಡವಿದಾಗ...
ರುದ್ರಪ್ಪ....
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ