ತುಣುಕು ಭಾವದ ಸುರುಳಿ ...

ಗುರುವಾರ, ಆಗಸ್ಟ್ 22, 2013

ಕೆಂಪು ಹಣತೆ

ಆಕೆಯ ಹಣೆಯಂಗಳದಲ್ಲಿ
ಹಚ್ಚಿದೆ ಪ್ರೀತಿಯ
ಕೆಂಪು ಹಣತೆ
ಇಂದು ಅದಕೆ
ನಾನೇ ಎಣ್ಣೆ
ನಾನೇ ಬತ್ತಿ
ಅವಳೇ ಬೆಳಕು!
ಆ ಬೆಳಕಲ್ಲೇ
ನಮ್ಮ ಬದುಕು ...

ರುದ್ರಪ್ಪ..

ಹೆಸರು ...

ಪ್ರೀತಿಗಿಲ್ಲದ ಒತ್ತಕ್ಷರ
ಒತ್ತಿ ಬರೆದಿದೆ ನಿನ್ನ ಹೆಸರ
ನೀನು ಮೂಡಲಿಲ್ಲ ಹೆಣ್ಣಾಗಿ
ಉಳಿದೆ ಹಾಳೆಯ ಮೇಲೆ ಖಾಲಿ ಅಚ್ಚಾಗಿ...

ರುದ್ರಪ್ಪ...

ಸಂಬಂಧಗಳು...

ಸಂಬಂಧಗಳು...

ಕೆಲವು ಘಟ್ಟಿ ಸಂಬಂಧಗಳು
ಕರಗುತ್ತವೆ ಬಿಗುಮಾನದಲ್ಲಿ...

ಇನ್ನುಳಿದವು
ಬಿಗಿ ಮೌನದಲ್ಲಿ...

ರುದ್ರಪ್ಪ...

ಮಾಲಿನ್ಯ ...

ಮಾಲಿನ್ಯ ...

ಈಗಿನ ದಿನದಲ್ಲಿ
ಎಷ್ಟೊಂದು ಪರಿಸರ ಮಾಲಿನ್ಯ
ಕಣ್ಣೀರು ಸಹ
ಸಪ್ಪೆ ಸಪ್ಪೆ ...

ರುದ್ರಪ್ಪ...

ಪ್ರೀತಿ...

ಪ್ರೀತಿ...

ನನ್ನ ಜಿಪುಣ ಜೇಬಿನಲ್ಲಿ
ಖರ್ಚು ಮಾಡದೇ ಕಾಯ್ದಿಟ್ಟ
ಘಟ್ಟಿ ನೋಟಿನಂತೆ
ನಿನಗೆ ಕೊಡ ಬಯಸುವ
ನನ್ನೆದೆಯ ಜೇಬಿನ ಪ್ರೀತಿ ...
ಖರ್ಚು ಮಾಡಲು ಕೊನೆಗೆ
ಮನಸ್ಸು ಮಾಡಿದ್ದೇನೆ,
ಸ್ವೀಕರಿಸು ಬಾರೆ ಸುಮ್ಮನೆ !!!...

ರುದ್ರಪ್ಪ...

ಶುಕ್ರವಾರ, ಜನವರಿ 4, 2013

ವಿಧಿಯಾಟ

ವಿಧಿಯಾಟ

ನಾವು, ನೀವು, ಅವರು, ಇವರು,

ಎಲ್ಲ ವಿಧಿಯಾಟದ ಸ್ಪರ್ಧಿಗಳೇ

ಇಲ್ಲಿ ಗೆದ್ದರೂ ಸದ್ದು...

ಸೋತರೂ ಸದ್ದು...

ಗೆದ್ದರೆ ಹಾರಾಟ!

ಸೋತರೆ ಹೋರಾಟ!

ರುದ್ರಪ್ಪ...

ಚಿಕ್ಕಪ್ಪ...

ಚಿಕ್ಕ ಕೈಯೊಂದು

ನನ್ನ ಬೆರಳಿಡಿದು

ಚಿಕ್ಕ ಅಪ್ಪನ ಅನುಭವ...

ತಿವಿ ತಿವಿದು ಮಾತಾಡಿಸುವ

ತಿಳಿ ಕಣ್ಣುಗಳ

ಗುರುತಿಸುವ ನೋಟದಿಂದ...

ಚಿಕ್ಕ ಖುಷಿಯೊಂದು

ನನ್ನ ಮನವಿಳಿದು

ಕಣ್ಮುಂದೆ ಕಿಲ ಕಿಲನೆ ಅರಳುವ ...

ಆ ಚಿಕ್ಕ ಚಿಟ್ಟೆಯ

ಭಾಷೆ ತಿಳಿಯದಿದ್ದರೂ

ಎಲ್ಲ ಅರ್ಥ ಮಾಡಿಕೊಳ್ಳುವ...

ಮಾತು ಬಾರದ ಮೂಕ

ಭಾಷೆಯೇ ಈ ಮನಕೆ

ಎಷ್ಟೋ ಮುದ ನೀಡುವ...

ರುದ್ರಪ್ಪ...See More